Kategorie: Openbaring (Page 9 of 10)

Skriflesing: Op 14:1-13
Teksvers: Op 14:12 en 13

God wys aan ons in die Openbaringsboek by wyse van simboliese taal en beelde hoe die toekoms van die kerk en die wêreld lyk tussen die koms en die wederkoms van ons Here Jesus Christus. Ons kyk die toekoms in en sien hoe lyk die hemel en die hel. En dit is skrikwekkend! Met ‘n volheidsgetal van 7 sien ons hoe die toekoms afspeel met die 7 kandelaars (visitasie) die 7 seëls, die 7 weë, die sewe basuine en eindelik ook die 7 skale.

Hiertussen verweef is 7 saligsprekinge. Die eerste het ons reeds met die openingswoorde gehoor. Vandag staan ons stil by die tweede met die tema: Goeie werke het ewigheidswaarde!

Laai af

Skriflesing: Op 4; Esegiël 1 en Jer 23:23
Teksvers: Op 4:8b en 11

Hoe lyk die Here? Kan ons Hom sien. Miskien moet ons maar tevrede bly met die beskrywing van Johannes, wat die Here op aarde gesien het, toe hy sy dissipel was en daarna Hom wéér gesien het as die Verheerlikte, die Seun van die mens! Hy gee bepaalde beskrywinge van Jesus en van God die Vader! (Op 1, 4 en 5)

Miskien is Hy werklik so groot dat ons Hom nie (lees: nooit) anders kan sien as in die simboliek waarmee Johannes Hom vir ons beskrywe nie. Want geen mens kan God sien en bly lewe nie! Miskien word sy grootheid (én sy grootsheid) op dié manier beskrywe sodat ons op die regte manier teenoor Hom reageer en optree…

Laai af

Nagmaal

Skriflesing: Op 1:1-20
Teksvers: Op 1: 4-6

‘n Mens is nooit te oud om vir die Here diensbaar te wees nie. Johannes is oor die 90 jaar, en kry die opdrag, as ‘n gevangene op ‘n eiland om aan die kerk oor al die eeue God se Raadsplan bekend te maak. Hierdie openbaring van ons Here Jesus Christus laat Johannes verskrik en verwonderd. Hy word versterk en bemoedig oor die toekoms wat God vir ons beplan.

Vervolgens staan ons stil by drie hoofgedagtes:

1. Jesus Christus as Alfa en Omega
2. Die kerk as Kandelaar
3. Ons heiliging as ‘n koninklike priesterdom

Laai af

Bevestiging en Intreepreek van ds L.J.E. Venter

Skriflesing: Op 1:1-8 en 22:6-21
Teksvers: Op 1:3

Mense wil graag geseën word. Mense wil geseënd wees! Ons hoor en sien dit elke dag rondom ons, en in ons eie harte is die begeerte. Maar min mense verstaan werklik wat seën is. Dit is baie meer as die teendeel wat vervloek beteken. Vloek en seën is egte verbondstaal. Dit is Bybeltaal. Dit is geloofstaal. Dit is evangelie… Wat beteken dit werklik om geseën te word? Ons wil vanoggend stilstaan by die boek Die Openbaring van Jesus Christus, waarby ons Heiland ons leer wat ware seën is met die tema: God seën ons deur Sy Woord. Amen

Laai af

Skriflesing: Openbaring 19:1‑13
Teksvers: Openbaring 19:9

Die Kerk is die bruid van Christus. Ons vergeet maklik ons posisie omdat die bruids-beelde en -metafore in die Bybel nie so baie ooreenstem met die gebruike in ons Afrikaner se tradisies by troues nie.

Kom ons kyk weer na die Bybelse gebruike en gewoontes rondom die troudag en bepaal dan wat hierdie gedeelte vir ons sê in terme van ons verantwoordelikhede as Bruid van ons Konings-Bruidegom, Jesus Christus, wat kom.

Laai af

Skriflesing: Openbaring 22:6‑21
Teksvers: Openbaring 22:17

Laaste boodskap van die boek kom in die vorm van ‘n opwekkingsdialoog tussen Bruid en Bruidegom!

Die vraag is of ons die stem van die komende Bruidegom hoor. Verwag ons nog daagliks sy koms met gespanne afwagting, soos ʼn bruid wag vir die groot dag van haar troue?

Wat is ons reaksie? Die groot dag mag immers nader wees as wat ons dink!

Laai af