Kategorie: 2 Korintiërs (Page 5 of 8)

Skriflesing: Ex 34:29-35; 2 Kor 3:1-18; Heb 10:19-25
Teksvers: 2 Kor 3:18

Moses moes ‘n sluier oor sy gesig dra sodat die Israeliete nie kon sien dat die glans wat daaruit gestraal het al flouer geword het nie. Dit nadat Moses in God se teenwoordigheid was toe hy die tien gebooie ontvang het. 

Vandag moet ons die heerlikheid van die Here weerspieël in ons lewens. Ons kan dit doen omdat die voorhangsel geskeur is met Jesus se kruisiging. Dit kan net gebeur deur die werking van die Heilige Gees. Die vraag is aan elkeen van ons, weerspieël ons die heerlikheid van die Here in ons lewens of is ons bloot wettisties om God daardeur te wil dien? 

• Moses se gesig blink omdat hy met God gepraat het. 
• Die voorhangsel het geskeur sodat ons direk met God praat. 
• Ons moet die heerlikheid van God weerspieël. 

Skriflesing: 2 Kor 5; Matt 25:14‑23; Op 20
Teksvers: 2 Korintiërs 5:10

Is hier ‘n spanning in die Heidelbergse Kategismus te bespeur? Die evangelie is immers een van genade en nie verdienste nie. 

En tog wil die Here sy kinders wat aan Hom getrou is, beloon? Hoe werk hier beloning dan as ons so sterk oortuig is dat ons alles net uit absolute genade van die Here ont-vang? Waarom sal ons dan nog voor die regterstoel van die Here Jesus moet verskyn? 

Skriflesing: 2 Kor 7:2-15
Teksvers: 2 Kor 7:9-11

Paulus is vol blydskap omdat die Korintiërs aan God gehoorsaam was

Paulus is vol blydskap. Hy is so bly dat hy die gemeente van Korinte aanprys en dit duidelik stel, dat hy trots op hulle is. In die ’53 vertaling sê hy sy roem oor hulle is groot. Wat bring ware of opregte roem en trots en blydskap in ’n gelowige se lewe? Daar is net een saak en dit is as ons in gehoorsaamheid aan God en sy gebooie lewe. 

Dit vra van ons drie dinge… 

• Inkering 2 Kor 7:9 
• Bekering 2 Kor 7:10 
• Opregtheid 2 Kor 7:11 

Skriflesing: 2 Korintiërs 1:1-2:11
Teksvers: 2 Kor 1:7, 24 en 2:8

Dit is bykans twee jaar nadat Paulus sy eerste brief aan die gemeente in Korinte geskryf het. Daardie hardvogtige en liefdelose gemeente wat elkeen net op sy eie belange fokus. Tog is die inhoud van hierdie tweede brief so totaal anders. Hulle was immers nog altyd die gemeente van God, al was hulle so sondig. 

Ook hulle het ervaar wat dit beteken om te ly ter wille van die evangelie. En die troos waarmee hulle getroos is, kan hulle ander mee vertroos. Want hulle hoop is vas. Hulle geloof is standvastig, en hulle liefde moet weer en weer bevestig word. 

So is Paulus se woorde en vermaninge nie om baas te speel oor hulle geloof nie, maar juis om ‘n medewerker te wees aan hulle vreugde. Amen