Die webtuiste vir die Gereformeerde Kerk Centurion.
Skriflesing: Ps 18
Teksvers: Ps 18
1. Die gevare waaruit Dawid verlos is.
2. Die lesse wat Dawid geleer het.
3. Die seëninge wat Dawid geniet het.
4. Die erkenning wat Dawid vir alles gee.
“Met u hulp loop ek ʼn oormag storm, met my God by my is geen stadsmuur vir my te hoog nie.” Ps 18:30
Skriflesing: Psalm 46:1-12 (2 Kon 18,19; 2 Kron 32; Jes 36,37)
Teksvers: Ps 46:2-4,11-12
God was nog altyd ’n toevlug. Dit beteken God was nog altyd dié een na wie toe ons gevlug het, met al ons nood, hartseer en blydskap. Die agtergrond is waarskynlik die verlossing van die stad Jerusalem toe die wrede Assiriërs die stad in die tyd van koning Hiskia wou inneem. Die Assiriërs was ’n baie wrede nasie wat verskriklike dinge gedoen het met die gevangenes en stede wat hulle oorwin het. Vandag het ons ook met ’n verskriklike werklikheid van die Corona-Virus te doen. Die algehele inperking “lock down” waaraan die hele land onderworpe is, met die dreigende siek word van baie mense, is ’n werklikheid. Maar juis in hierdie tyd is ons as Christene nie bang nie want God se genade en liefde is onmeetlik groot.
Ons gaan na drie sake kyk:
Skriflesing: Psalm 104 1 Joh 2:28-3:10
Teksvers: Psalm 104 (in geheel) en 1 Joh 3:1
HK: Sondag 9
Die Psalmdigter is bly oor die skeppingswerk van God en hy loof God daaroor. God het self alles in ‘n groot verskeidenheid en met wysheid geskape. Hy self hou dit alles met sy majesteit en Vaderlike hand in stand. Deur God en in God is alles en leef alles. Sonder God kan niks bestaan nie. Geen skepsel kan op sy eie bestaan, deur sy eie krag nie. Daarom begin ons ook die belydenis van ons geloof deur te bely: Ek glo in God die Vader, die Almagtige, die Skepper van hemel en aarde.
Ons gaan oor drie sake handel:
1) Ons glo dat God ons Vader is.
2) Ons vertrou dat Hy ons volkome onderhou en regeer.
3) Alles gebeur tot ons beswil op aarde.
Skriflesing: Deut 32
Teksvers: Deut 32:39-47
Deut 32:39 “Aanskou nou dat dit Ek is en dat daar geen god naas My is nie; Ek maak dood en maak lewend, Ek het verbrysel (maak siek) en Ek genees; en daar is niemand wat uit my hand red nie.”
God is altyd regverdig. Daarom gebeur daar niks in die wêreld wat God nie van weet nie en nie toelaat nie. God is soewerein. God is in beheer van ons lewens en die heelal. Daarom hoef ons nie te vrees as die swaarkry, oorloë, rampe of wat ookal ons tref nie.
Maar God moet ook nie deur die wêreld of deur sy eie kinders getart word nie. God is nie maar ‘n “godjie” soos talle afgode met wie ons kan maak wat ons wil nie. God wil gedien en geëer en aanbid word met heilige eerbied. Daarom, wat ookal die krisis in ons lewens, ons moet na God toe gaan. By Hom is daar genade en vrede en geluk.
Skriflesing: 2 Kon 2:19-22; Josua 6:26; 1 Kon 16:34; 1 Kor 15:45
Teksvers: 2 Kon 2:19-22
Ons kan nogal tevrede raak met ons omstandighede. Ek bedoel nou nie die tevredenheid met God se wil nie (Ps 131)! Ek bedoel eerder so ‘n bietjie self-tevrede. Ons het óns drome uitgewerk, ons voel nogal in beheer. Ek weet wat my planne is en hoe ek dit tot uitvoer gaan bring. Ja, ek moet net nog ‘n rukkie baie hard werk, maar dit is die moeite werd… Nogal in beheer. Mý planne en drome.
Die stad of dorp Jerigo is vandag nog ‘n mooi stad met palmbome en dadels so jy seker nêrens elders kry nie. In die woestyn geleë, maar ‘n regte palmstad. Pragtig.
Maar so was dit nie in Elisa se tyd nie, want mense het die wil van die Here nie geken of gesoek of toegepas nie. Gelukkig het die profeet die vloek weggeneem.
© 2026 Gereformeerde Kerk Centurion
Theme by Anders Noren — Up ↑