Kategorie: Nuwe Testament (Page 7 of 127)

Ons identiteit in Christus

Februarie 2, 2026 / admin

Skriflesing: 1 Johannes 3 (1983)
Teksvers: 1 Joh 3:1

Ek het eendag gelees dat volgens die Romeinse Reg ‘n aangenome kind nooit onterf mag word nie. By aanneming word volle kindskap verkry, asof jy natuurlik gebore is, en het jy deel geword van die ‘familia’ en onder die ‘patria potestas’ van die aannemende vader moet jy die volle erfreg ontvang, gelyk aan ’n biologiese kind.

Aanneming is dus nie ’n tweede-klas verhouding nie. Kyk wat ‘n voorreg het ons dan om kinders van die Vader en dus broers en susters van die Seun van God te wees!

Gedagtig aan die laaste dae, bly steeds ‘n dader van jou geloof in Christus

Januarie 19, 2026 / admin

Skriflesing: Jakobus 5 (2020)
Teksvers: Jakobus 5:7-11

Die Heilige Gees het vir Jakobus geïnspireer om geloof en dade hand aan hand met mekaar te laat loop. In Jakobus 5:1-6 word daar in besonder gefokus op die eindtyd, die laaste dae, voordat die wederkoms van Jesus Christus gaan plaasvind.

Gedagtig aan die laaste dae, word gelowiges aangemoedig om regverdig op te tree teenoor mense waarmee hulle te doen sou hê. Jakobus 5:7-11 fokus daarop dat gelowiges in woord en daad gelowig sal volhard ten spyte van lyding of wat ookal.

Gelowiges word opgeroep om in die laaste dae nie vals te sweer nie. Verder word riglyne aan Christene in die laaste dae gegee wat om te doen as hulle siek is, as hulle swaar kry, as hulleself sou sondig of as iemand anders sou sondig.

Uit Hom, Deur Hom, Tot Hom, Aan Hom

Januarie 19, 2026 / admin

Skriflesing: Romeine 11:33-36 (2020)
Teksvers: Romeine 11:36

Ons jaartema kom uit die loflied van Romeine 11 dat alle dinge uit God voortkom, dat alles deur Hom gemaak en onderhou word, en dat alle dinge tot Hom bestaan. Hierin sien ons die volkomenheid van die werk van die drie-enige God.

Die Vader is die begin en die oorsprong van alle dinge. Uit Hom het alles wat bestaan voortgekom. Deur die Seun is alle dinge geskep, en word alles onderhou.

So ook rig die werk van die Heilige Gees alle dinge tot God in heiligmaking. Die gevolg: Aan Hom is al die eer en heerlikheid tot in ewigheid.

Wandel in die lig van Christus

Januarie 12, 2026 / admin

Skriflesing: 1 Johannes 1:1 – 2:6
Teksverse: 1 Johannnes 1:1-4

Reik uit na meer in 2026

Januarie 5, 2026 / admin

Skriflesing: Filippense 3
Teksverse: Fil 3:14 (12-14)

Ons is alweer n paar dae in die nuwe jaar in en mag ons mekaar vandag aanmoedig om met uitsig en verwagting die jaar aan te pak.

‘n Veilige aankoms, ten spyte van skipbreuk.

Desember 29, 2025 / admin

Skriflesing: Handelinge 27
Teksverse: Handelinge 27 :21-23,44

Het jou planne hierdie afgelope jaar dalk anders uitgewerk as wat jy dit wou hê? Paulus sou seker ook liewer ‘n vryman wou wees en voortgaan met sendingwerk. Nou is hy ‘n gevange op ‘n skip wat vergaan!

Nogtans sien hy in elke situasie ‘n uitdaging om sy roeping daarin te vervul. Hy beskou die omwentelinge van die lewe as ‘n beskikking van God en ‘n roeping om daar en dan ‘n getroue getuie van Christus te wees.

Kan ons ook die omstandighede uit die Vaderhand aanvaar as ‘n geleentheid om van die genade van God in Christus te getuig?