Kategorie: Nuwe Testament (Page 8 of 125)

Het God ‘n van (agternaam)?

September 29, 2025 / admin

Skriflesing: Hebreërs 11:1-16 (ook 10:39); Johannes 14:1-6; 1 Joh 3:1-11 (1983)
Teksvers: Heb 11:16

Pelgrims was in die Bybelse tyd die mense wat oppad was na die stad Jerusalem, veral na die tempel, om te gaan aanbid. Oppad na God en sy nabyheid in sy tempel.

Ons het reeds geleer dat Hy nie net die doelwit daar doer vèr is nie, maar dat Hy ook ons hulp en medereisiger oppad is, wat by ons bly ter wille van sy liefde in en deur Jesus Christus.

Hy skaam Hom nie vir ons nie, en ons dra sy Naam. Eerder: Hy vereenselwig Hom met ons naam!

Hy berei vir ons die mooiste stad voor, waar ons saam met Hom kan woon.

Die ewige lewe is die moeite werd

September 22, 2025 / admin

Skriflesing: Handelinge 13:13-52 (2020)
Teksvers: Handelinge 13: 46-48

Die apostel Paulus is, gelei deur die Heilige Gees saam met Barnabas op die eerste sendingreis.

Nadat hulle Ciprus besoek het, vaar hulle terug na die vasteland, en van Perge loop hulle deur die Taurus- berge tot by Antiogië in Pisidië. Hulle verkondig kragtig die evangelie, en die hongerige harte van die mense begeer om nog te hoor. Maar die volgende Sabbat, as die hele stad kom om die evangelie te hoor, is die harte van die Jode vol onguns.

Is die ewige lewe tog die moeite werd?

Sien jy die Lam van God?

September 22, 2025 / admin

Skriflesing: Joh 1:19-34; Heb 12:1-3; Op 5:1-7; Job 42:5 (1983)
Teksvers: Johannes 1:29

Die Here leer ons in sy Woord om anders na dinge te kyk. Anders kyk is ook anders dink en doen. In ons eie gedagtes is ons mos tot alles in staat, maar in die oë van die Here net nog verlore sondaars!

Hy roep ons op om die wonder van sy genade nie mis te kyk nie. Die Man van Nasaret, die seun van die timmerman, die mens Jesus, is die Een wat in staat is om die onmoontlike te doen. Om versoening tussen die heilige God en mense te bewerk.

En die eenvoudige tekens van die Nagmaal stel u vandag weer in staat om Hom en sy versoeningswerk raak te kyk/sien: Die Lam van God wat die sonde van die wêreld wegneem.

Gebruik jou gawes om die genade uit te deel

September 8, 2025 / admin

Skriflesing: Matteus 14:1-21 (1983)
Teksvers: Mat 14:16

Ons bekyk vanaand die wonder van die eerste vermeerdering van die brood en vissies. Hierdie perikoop vertel nie net dat Jesus mag het oor alles en brood kan vermeerder nie. Ja Hy kan vir die biddende gelowiges alles voorsien wat hulle benodig.

Ons hoop egter om met die oog op die komende nagmaal (oor twee weke) nog dieper te kyk en raak te sien dat Jesus gesterf het om vir ons die hemelse brood van die lewe te gee, sodat ons dit kan uitdeel vir die hongeriges van hierdie wêreld.

Sondebesef lei tot‘n dankbaarheidslewe

September 1, 2025 / admin

Skriflesing: Efesiërs 2:1-10 (2020)
Teksvers: Efesiërs 2:1 en 5

Efesiërs 2:1-10 is ‘n besondere perikoop wat handel oor die mens se sonde, sy verlossing in en deur Jesus Christus asook die verloste mens se lewe van dankbaarheid.

Hierdie drie-deling kom ook in Romeine en ander boeke in die Bybel voor. Dit word verder gebruik in die Heidelbergse Kategismus, die doop- en nagmaalformuliere.

Kom ons kyk weer nuut na die wonder-genade van die Here soos dit uiteengesit is in Efesiërs 2: 1-10. Verwonder jou weer opnuut oor die genade wat aan ons verkondig word in God se Woord, naamlik dat die Heilige Gees ons deur ons sondebesef lei tot ‘n smag na verlossing deur Jesus Christus, wat dan uitvloei in ‘n opregte dankbaarheidslewe.

By die gemagtigde “Gerigsvoltrekker” is ek werklik veilig en is ek waarlik vry!

September 1, 2025 / admin

Skriflesing: Johannes 8:1-11 (2020)
Teksvers: Johannes 8:11

Inleiding: Die vrou voor Jesus is skuldig – daaroor is geen twyfel nie. Haar beskuldigers is ook skuldig – daaroor is ook geen twyfel nie. Sy én hulle verdien God se oordeel.

Jesus skryf die eerste keer op die grond
Die beskuldigers stap net weg. Hulle doen nie selfondersoek nie!
Gee gehoor, gelowige, as jy tot selfondersoek gelei word.

Jesus skryf die tweede keer op die grond
Die beskuldigde loop nie weg nie. Sy bly by Jesus.
Selfondersoek moet die regte koers aandui!

Jesus gee die uitspraak
Hy gee as “Gerigsvoltrekker” uitspraak
Sy uitspraak dra volle gesag en bied ware vryheid