Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Nuwe Testament (Page 17 of 126)

Dissiplines van ‘n heilige lewe: (3) Voortdurende gebed

Oktober 21, 2024 /

Skriflesing: Matteus 7:7-11 (1983)
Teksvers: Matteus 7:7-11

Om in ‘n verhouding met die Almagtige te staan is natuurlik een massiewe groot voorreg. Net die feit dat Hy Homself aan ons bekend maak is al ‘n bonatuurlike wonder. Dat ons Hom mag leer KEN en dat Hy deur ons geKEN wíl wees is een en al genade. Daarom moet ons gereeld bid. 

Dis nie net ‘n voorreg nie. Dit is ook ‘n opdrag van God. Ons teks bied ‘n reeks van drie bevele (imperatiewe) rakende gebed. 

God wil dat ons met geestelike dissipline in gebed volhard en so hierdie intieme verhouding (verbond) van Vader en kind onderhou en uitleef. 

Jongmens, onthou wat jy geleer het

Oktober 14, 2024 /

Skriflesing: 2 Timoteus 3 (1983)
Teksvers: 2 Tim 3:14,15

As leraars word ons gereeld geskok oor ons eie jongmense se afvalligheid van die geloof. Soms selfs ongeloof en direkte opstand teen die heilige dinge van God! 

Die duiwel gaan rond soos ‘n brullende leeu om te verslind. Laat ons mekaar opskerp en aanmoedig om waaksaam te wees. Dink veral aan ons jongmense… 

Bid vir ons jongmense wat ‘n geweldige aanslag van die Bose moet trots eer. 

Die Versoeker het sy oog op ons jeug wat die vryheid soek. Soms ontaard hierdie vryheid in losbandigheid. 

Vanaand se erediens sluit dus aan by die belydenisklas-kamp wat hierdie naweek plaasvind: “onthou wat jy geleer het…” 

ʼn Nuwe lewe in Christus (2): Om God te ken is die lewe 

Oktober 14, 2024 /

Skriflesing: 2 Timoteus 3:10-4:5; Handelinge 8:26-40 (2020) 
Teksvers: 2 Timoteus 3:16,17 

Van brood alleen sal die mens nie leef nie, maar van elke Woord wat uit die mond van God gaan. Nie net skep God deur sy Woord nie, Hy herskep. Hy bring lewe uit die dood. God se Woord is die wonderlikste denkbare geskenk wat enige mens kan ontvang. Dit is die lewe self. 

Daarom moet God se Woord vir ons kosbaar wees, dit moet ons lewe omsluit. Dit moet ons asemhaling wees om God te ken. Deur God se Woord ken ons Hom, spreek Hy tot ons, bestaan ons. 

Vanoggend dink ons na oor die wyse waarop Christene God se Woord hulle hele lewe vervul en rig. 

Heilig, Heilig, Heilig is die Here

Oktober 7, 2024 /

Skriflesing: Openbaring 4:1-11 (2020)
Teksvers: Openbaring 4:8

Slegs twee maal in die Skrif vind ons ‘n drie-dubbele herhaling van dieselfde woord as lofsang. Dit is die engele wat God se lof besing in die visioen van die profeet Jesaja, sowel as hier in Openbaring rondom die troon van God in die visioen van Johannes. 

Ons staan vanaand stil by die lofsang en die betekenis van hoe ons as heiliges ‘n nuwe lied kan sing: heilig, heilig, heilig is die Here. 

Die “oorwinning” van die Bose beantwoord met die ongewone, gewone

September 23, 2024 /

Skriflesing: Lukas 8:26-39 (2020) 
Teksvers: Lukas 8:39 

Hoe verklaar ons die “oorwinning” van die bose in hierdie wêreld? 

Kyk die Bose se “oorwinning” in die oë. 

Die Bose se “oorwinning“: die mense stuur die Verlosser weg. 

Jesus stuur: 

  • ‘n gewone, ongewone mens. 
    Die verloste is nou ‘n ongewone mens. 
  • Die man na ‘n gewone, ongewone huis. 
    Hy leef nie meer in die sfeer van die dood nie. Maar wat van hulle wat Jesus weggestuur het? 
  • die man met ‘n gewone, ongewone woord. 
    Die man se verkondiging is geen wanhoopspoging nie. 
« Older posts Newer posts »

© 2026 Gereformeerde Kerk Centurion

Theme by Anders Noren — Up ↑