Kategorie: Nuwe Testament (Page 15 of 129)

Gee in hierdie lewe verstandige antwoorde, gelowige!

April 28, 2025 / admin

Skriflesing: Lukas 16:1-9 (2020)
Teksvers: Lukas 16:8b

Die antwoorde wat jy in hierdie lewe gee, is veelseggend.

Die bestuurder in Jesus se gelykenis worstel met die een vraag: “Wat moet ek nou doen?” Die antwoord wat hy gee, is veelseggend. Teenoor die antwoorde wat die mense van hierdie wêreld gee, stel Jesus die antwoorde van die “mense van die lig.”

Wie deur die Lig verlig is, behoort:

• die krisisse in hulle lewe gouer en beter te herken en te erken

• nie deur krisisse verlam te word nie

• nie in selfsug tydelike vriende te soek nie, maar in liefde “ewige” vriende.

Die Oorwinnaar plaas sy verlostes op ‘n pad van vurige verwagting

April 28, 2025 / admin

Skriflesing: Lukas 24:1-35 (2020)
Teksvers: Lukas 24:14

1. Sonder verwagting ná daardie Sondagmôre!

Die Here se oorwinning is reeds bekend. Tog loop twee van sy volgelinge in moedeloosheid en gedagtes wissel.

2. Gelei tot verwagting daardie Sondagmiddag.

Jesus soek sy moedelose volgelinge op. Hy begin saam met hulle stap. Sonder dat hulle weet Wie Hy is, begin Hy hulle op ‘n baie persoonlike en liefdevolle manier in hulle denke begelei.

3. Verwagting verkondig daardie Sondagaand.

Toe die volgelinge se oë geopen is, gaan hulle terug na Jerusalem. Hulle wat “weet” die Here het regtig opgestaan, moet daardie wonderlike wete met ander deel.

Die oopgestaande Jesus vergesel sy volgelinge op hulle lewenspad

April 24, 2025 / admin

Skriflesing: Lukas 24: 13-35 (2020)
Teksvers: Lukas 24: 24: 25

Hoofpunte:

1. Jesus se verskyning.
2. Jesus se onderrig.
3. Die gelowige se blye reaksie.

“’n Paar van ons het na die graf gegaan en dit net so aangetref soos die vroue gesê het, maar Hom het hulle nie gesien nie.” Toe sê Hy vir hulle: “O, julle wat so sonder begrip is, met harte wat traag is om alles te glo wat die profete gesê het! “

Lukas 24: 24: 25

Kan die Verlosser Homself Red?

April 24, 2025 / admin

Skriflesing: Matteus 27:32-54; Psalm 22:1-12 (2020)
Teksvers: Matteus 27: 42-43

As die Verlosser Homself nie kan red nie, hoe sal Hy jou kan red? As Hy van die kruis kan afkom, en Homself kan red van die dood, sal dit tog baie rede gee vir mense om in Hom te glo!

So is daar in die wêreld baie mense wat op hulle eie voorwaardes sal glo. Dit is egter nie die mens nie, maar God wat die voorwaardes van verlossing stel.

Ons staan vanoggend stil by hierdie skynbare teenstelling, waarom Jesus Homself nie red nie.

Die kruisiging van Jesus Christus is die spilpunt van ons verlossing

April 14, 2025 / admin

Skriflesing: 1 Kor 2: 1-5 (2020)
Teksvers: 1 Kor 2:2

In ons Christelike geloofslewe beklee die kruisiging van Jesus Christus ‘n baie sentrale plek. Inderdaad is die kruisiging van Jesus Christus die spilpunt waarom ons verlossing draai. Sonder die kruisiging, die dood, die oordeel, die vloek en straf wat Jesus Christus op Hom geneem het, sou daar geen troos of hoop vir ons gewees het nie.

Mag jy weer nadink oor die rede waarom Jesus gekruisig is en gesterf het. Mag jy by hernuwing dankbaar wees dat die Here dit beskik het, en dat Jesus Christus vrywillige gewillig was, om die verlatenheid van God en mense aan die kruis deur te gaan. So alleen kan ons verseker wees dat Hy die straf en oordeel wat ons moes toekom, op Hom geneem het en aan ons die sekerheid kom gee het dat God ons nooit sal verlaat nie.

Die Jakkals is Begerig en Bly om Jesus te Sien

April 14, 2025 / admin

Skriflesing: Lukas 23: 1-25 (2020)
Teksvers: Lukas 23: 8-12

Herodes is bly om Jesus te ontvang want hy was al lank begerig om te sien wie hierdie Jesus is waarvan hy al so baie gehoor het. Nooit het Herodes ooit die moeite gedoen om self te gaan kyk of hoor wat Jesus doen en verkondig nie. Tog is hier vir Herodes ‘n geleentheid, om deur Jesus vermaak te word.

Maar die Here is stil. Hy sê niks, daarom vermaak Herodes homself deur Jesus te mishandel.

Ons kyk vanmore na die lydingsweg na die kruis en hoe vyande van Christus, vriende van die wêreld word.