Kategorie: Matteus (Page 6 of 17)

Bou jou huis op die Rots

Mei 2, 2023 / admin

Skriflesing: Matteus 7:1-29
Teksvers: Matteus 7:24-25

Om nie ‘n huis te hê nie, is glad nie lekker nie. Daar is oor die wêreld miljoene mense wat nie ‘n huis het nie.

Almal probeer tog om vir hulleself ‘n skuiling te maak of ‘n veilige plekkie waar hulle beskerm word teen die elemente van die natuur. Maar as jy hierdie huis of skuiling op die verkeerde plek bou, kan dit jou duur te staan kom. So is daar in Centurion baie huise wat sommer net wegsak in die grond, want die fondamente is nie goed.

Op hierdie manier verduidelik Jesus dat ons ook ons geestelike lewe op die vaste fondament moet bou en nie op sandkastele nie.

Jesus op die stembrief

April 10, 2023 / admin

Skriflesing: Matteus 26:47-56; 27:11-31; Josua 24
Teksvers: Matteus 27:17

Dié Paasnaweek in Jerusalem is toe anders. Byna was daar ŉ groot opstand. Dan sou die Romeine weer moes ingryp. Pilatus probeer sy bes om die oproerigheid te beperk. Hy laat die mense kies: Jesus Barabbas of Jesus wat Christus (Messias) genoem word.

Barabbas is ‘n figuur van wie ons eintlik niks weet nie en tog speel hy ’n belangrike rol in die lyde van Jesus Christus. Soos by Josua word die volk voor ‘n keuse gestel en kom die naam Jesus op die stembrief, nogal twee maal?

‘n Nuwe verbond met ‘n lieflike uitsig!

Maart 13, 2023 / admin

Skriflesing: I Kor 11:23‑29; Markus 14:22-25; Matt 26:17‑19,26‑30; Jeremia 31:31
Teksvers: Markus14:24-25 (Matt 26:29)

Ons het nou al vir weke aaneen gepreek oor God wat met sy volk ‘n reeks verbonde sluit om gemeenskap met ons te beoefen. Die besondere daarvan is dat die heilige God met sondaars ‘n verhouding soek en onderhou en aan hulle groot beloftes maak. Aan Adam en Noag en Abraham… by Sinaï en aan Dawid en Jeremia maak die HERE groot beloftes, maar stel ook sy verbondseise waaraan sy kinders gehoorsaam moet wees. Hierdie beloftes word in die koms en lyde en sterwe van Christus vervul. Beloftes van verlossing en vergifnis.

As Jesus dan die Nagmaal instel as ‘n NUWE VERBOND is dit vervulling van al daardie verbonde, maar ook weer nuwe beloftes en nuwe hoop, en nuwe gehoorsaamheid.

Van Brood alleen sal die mens nie leef nie

Februarie 20, 2023 / admin

Skriflesing: Matteus 4:1-11; Deuteronomium 8:1-6
Teksvers: Matteus 4:4
HK Sondag 50

Het u al gewonder waarom ons Here Jesus ons sal leer om te bid vir brood voordat Hy ons leer om te bid vir sonde vergifnis? Beteken dit ons liggaamlike nood is belangriker as ons geestelike nood?

Ons staan vanaand stil by die aangrypende gebeure van die versoeking in die woestyn waar ons Here Jesus ons leer oor die belangrikheid van ons verwagting oor God wat sorg.

Die koninkryk van die hemel het naby gekom

Februarie 6, 2023 / admin

Skriflesing: Mat 3:1-12
Teksvers: Mat 3:2,8,11; Mat 4:17
HK Sondag 48

Beide Johannes en Jesus uiter die woorde: “Bekeer julle, want die koninkryk van die hemel het naby gekom.” Wat bedoel Johannes en wat openbaar Jesus hierdeur?

‘n Koninkryk veronderstel dat daar onderdane, grondgebied en ‘n koning is. ‘n Koninkryk veronderstel dat daar orde is. Hierdie koninkryk is so belangrik dat Jesus ons juis geleer het om te bid en te vra daarvoor:

“Laat U koninkryk kom!”

Ons gaan na drie sake kyk…

Wat is die koninkryk? v2
Die eise van die koninkryk! v8
Die troos van die koninkryk! v11

Uit Egipte het God sy Seun geroep

Januarie 3, 2023 / admin

Skriflesing: Mat. 2:1-23
Teksvers: Mat. 2:13-15

In Matteus 2 lees ons van die verskriklike en moordlustige plan van Herodes wat op die eerbewyse van die sterrekykyers kindertjies uitmoor. Hoe listig die plane van die satan ook al mag wees, beskik God sy ewige raadsplan. ‘n Engel waarsku Josef om na Egipte te vlug.

Hieruit ontstaan baie vrae: Waarom het hulle nie saam met die wyse manne na die Ooste gegaan nie? Waarom moes soveel kindertjies sterf? Waarom word al die klein kindertjies nie ontruim nie?
Ons staan vanoggend stil, met die oog op die nuwe jaar met die tema: uit Egipte het God sy Seun geroep.