Kategorie: Lukas (Page 7 of 13)

Skriflesing: Lukas 22:31-46
Teksvers: Lukas 22:41

Waak en bid dat julle nie in die versoeking kom nie. Hierdie woorde is nie maar net goeie raad nie, dit is wesenlik in ons behoud van geloof. Om te waak en te bid, bedoel om wakker te wees, om gereed te wees, maar ook om tot God te nader. Om op die Here te wag. 

So moes die dissipels saam met Jesus waak en bid, daar by Hom, in die tuin omtrent so ver ‘n mens ‘n klip kan gooi. So naby, en tog so ver. Nader as ‘n klipgooi ver. 

Skriflesing: Lukas 2
Teksvers: Lukas 2:8-20

Al ooit die vraag gevra waarom God juis aan die herders op Bethlehem se velde dié groot nuus bring? Of kom ons los die hoogdrawende woord en noem hulle sommer gewone skaapwagters. Veldmense. Vuil mense. Dom mense. Die lae klas! En was die onbetroubares en onreines, en tog maak die Here Homself eerste, heel eerste aan hierdie groep bekend.
Dit sal ook later blyk dat baie min mense hulle aan die skaapwagter ”fabels” gesteur het, want jare later weet niemand meer dat Jesus in Bethlehem gebore is nie en niemand glo dat Hy die Messias is nie.
Jesus kom vereenselwig Hom met die gewone mense en gebruik hulle selfs as die eerste “sendelinge” van die evangelie!