Kategorie: 1 Johannes (Page 2 of 6)

Uit Hom = In Hom

Februarie 16, 2026 / admin

Skriflesing: 1 Johannes 2:1-17 (2020)
Teksvers: 1 Johannes 2: 3-6

Om uit God gebore te wees, beteken tog sekerlik ook dat jy vanuit Hom voortkom. Hy is die Een wat jou maak en vorm deur die Heilige Gees wat jy is, ‘n Kind van die Allerhoogste.

Kinders vertoon nie net die eienskappe van hulle ouers nie, hulle doen ook wat hulle ouers doen. So moet ons as kinders van God, wat uit Hom gebore is, ook in sy beeld en gelykenis leef. Ons moet lyk soos Hy lyk. Ons moet leef soos Hy wil hê ons moet leef. Met ander woorde, om uit God te wees, beteken ook om IN Hom te wees.

Ons identiteit in Christus

Februarie 2, 2026 / admin

Skriflesing: 1 Johannes 3 (1983)
Teksvers: 1 Joh 3:1

Ek het eendag gelees dat volgens die Romeinse Reg ‘n aangenome kind nooit onterf mag word nie. By aanneming word volle kindskap verkry, asof jy natuurlik gebore is, en het jy deel geword van die ‘familia’ en onder die ‘patria potestas’ van die aannemende vader moet jy die volle erfreg ontvang, gelyk aan ’n biologiese kind.

Aanneming is dus nie ’n tweede-klas verhouding nie. Kyk wat ‘n voorreg het ons dan om kinders van die Vader en dus broers en susters van die Seun van God te wees!

Wandel in die lig van Christus

Januarie 12, 2026 / admin

Skriflesing: 1 Johannes 1:1 – 2:6
Teksverse: 1 Johannnes 1:1-4

God is liefde

Januarie 15, 2024 / admin

Skriflesing: 1 Joh 4:7-21
Teksverse: 1 Joh 4:8,16

Jesus se bevel en opdrag: Julle moet mekaar liefhê!

April 17, 2023 / admin

Skriflesing: Joh 15:1-17; 1 Joh 4:7-21; Mat 22:34-40
Teksvers: Joh 13:34; Joh 15:9,12,17; 1 Joh 4:8; Kol 3:14; 1 Pet 1:22; 4:8

Jesus noem homself die ware/egte wingerdstok en sy Vader is die boer en almal wat in Jesus Christus glo, is die lote of takke van die wingerdstok. Die lote of takke word ook in twee kategorieë verdeel, die wat vrugte dra en die wat nie vrugte dra nie.

Om vrugte te dra, moet die lote of takke gesond wees, vas aan die wingerdstok vanwaar die lote al hulle lewenssappe vandaan kry om vrugte te dra. Dit kan alles net gebeur as daar werklike liefde is. Liefde is die oorheersende en groot begrip van al die verhoudinge in die lewe.

Die Vader het sy Seun lief.
Die Seun het ons lief.
Ons moet mekaar liefhê.

Kinders van God, roep Hom gerus aan as ‘ons Vader’!

Januarie 23, 2023 / admin

Skriflesing: Jesaja 63:16; Matteus 6:5-13; 1 Johannes 3:1,2
Teksvers: I Johannes 3:1a
HK Sondag 46

Dit is opvallend dat alhoemeer mense die gebruik van God se eiename vermy. Dan hoor ons hulle “van” God praat as die Opperwese of Die Een Daarbo of soortgelyke terme. Dit getuig natuurlik dat so ‘n mens God nie meer persoonlik ken en waarskynlik nie meer gereeld aanroep nie.

So was dit ook al in Jesus se tyd dat mense bang was om “met” die heilige God te praat. Nog minder was dit gepas om “God as Vader” aan te spreek! Jesus leer ons egter om op ‘n persoonlike en intieme wyse met die Here self te praat. Ja, jy mag sy vader aanroep as jou Vader!