Die webtuiste vir die Gereformeerde Kerk Centurion.
Skriflesing: Markus 16:9-20 (2020)
Teksvers: Markus 16:16
HK: Sondag 7
Ons belydenis maak ‘n noodsaaklike en belangrike onderskeid oor wat ‘n ware geloof is. Hierdie onderskeid is belangrik om te verstaan wat die verskil is tussen geloof, en ‘n ware geloof.
As ‘n mens mooi daaroor nadink, is alle mense gelowig. Elke liewe mens op aarde glo in iets of iemand.
Die kwessie wat ons Here Jesus aanspreek, is ‘n reddende geloof, want nie alle geloof red nie.
(Last updated on November 17th, 2025)
Skriflesing: Genesis 39:1-23 (2020)
Teksvers: Genesis 39:2 en 21
Alles is teen Josef. Sy broers het hom verkoop, hy is ‘n slaaf in ‘n vreemde land, hy werk vir ‘n vreemdeling.
Al is Josef so getrou om alles te doen wat reg is, beland hy in die moeilikheid. Hy word in die tronk gegooi agv ‘n valse klag.
Daar is egter een ding wat onveranderd bly: die HERE was met Josef.
Skriflesing: Hebreërs 11:1-16 (ook 10:39); Johannes 14:1-6; 1 Joh 3:1-11 (1983)
Teksvers: Heb 11:16
Pelgrims was in die Bybelse tyd die mense wat oppad was na die stad Jerusalem, veral na die tempel, om te gaan aanbid. Oppad na God en sy nabyheid in sy tempel.
Ons het reeds geleer dat Hy nie net die doelwit daar doer vèr is nie, maar dat Hy ook ons hulp en medereisiger oppad is, wat by ons bly ter wille van sy liefde in en deur Jesus Christus.
Hy skaam Hom nie vir ons nie, en ons dra sy Naam. Eerder: Hy vereenselwig Hom met ons naam!
Hy berei vir ons die mooiste stad voor, waar ons saam met Hom kan woon.
(Last updated on November 17th, 2025)
Skriflesing: Genesis 37:1-36 (2020)
Teksvers: Genesis 37: 26-27
Soms het ons as kinders groot drome vir die toekoms. Ons het aspirasies om die lewe self te oorwin! Maar nie almal deel altyd in ons drome nie. Soms kan ons drome ook ons ondergang beteken, omdat ons ten alle koste ons drome wil verwesenlik. Josef het nie groot drome gehad oor sy toekoms nie, inteendeel, God het deur drome aan hom gewys wat die toekoms vir hom sou inhou. Inderdaad groot dinge. Ons kyk wat word van die dromer as sy broers hulle sin kry, en hom verkoop as slaaf. Is Josef werklik droomverlore?
“Maar die wysheid, waar word dié gevind, waar is die woonplek van die insig? Die mens ken nie die waarde daarvan nie, en dit word nie in die land van die lewendes gevind nie. Die diep waters sê: ‘Dit is nie in my nie’ die see sê: ‘By mý is dit nie!’ Goud kan dit nie koop nie, sy waarde kan nie in silwer afgeweeg word nie.” (Job 28:12-15).
“En Hy het vir die mens gesê: Om die Here te dien, dit is wysheid, om die kwaad te vermy, dit is insig.” (Job 28:28).
In hierdie tyd van oorweldigende nood waarin baie van ons, ons tans bevind, raak dit absoluut noodsaaklik om met die nodige wysheid en insig besluite te neem wat soms wyer as net onsself strek. Dan kom die vraag soms, maar waar kry ons dan wysheid en hoekom voel dit of daar so min daarvan is as ons so om ons kyk?
Die woorde van Gesang 252 som dit so mooi op;
O HEER, my God, by U is wysheid
wat by die mense dwaasheid heet –
dié mense wat in eie wysheid
steeds dink dat hulle alles weet.
Volmaak is alles uit u hande,
u kennis het geen perke nie.
Die mens, gebind deur sondebande,
verbly hom in u werke nie.
In ‘n tyd waar tegnologie so gevorderd is en ons al die inligting moontlik, op ons vinger punte tot ons beskikking het, dink maar net aan Google, Sirri en ChatGPT, is ons steeds in ons menslike swakheid, nie in staat om die wêreld se “groter probleme” op te los nie, ons dink aan die oorloë, of dreigende oorloë, plaasmoorde, armoede, water tekorte, steeds kan al die kennis wat ons het nie al hierdie krisisse oplos nie.
Waar vind ‘n mens dan wysheid? Ware wysheid kom slegs van God, dit is ook nie iets nie, dit is iemand en ons vind dit in ons Here Jesus Christus deur die krag van die Heilige Gees, deur Sy Woord en in Gebed.
Kom ons bid saam, ook in hierdie Jubeljaar dat God ons sal seën met wysheid, want blote kennis gaan ons nie kan red.
Oudl Petri Pienaar
© 2026 Gereformeerde Kerk Centurion
Theme by Anders Noren — Up ↑