Skriflesing: Psalm 34:1-23 (2020)
Teksvers: Psalm 34:8
Om te smaak is nie net om te proe nie. Ons sal baie maal beskrywings gebruik waarin ons sintuie verwoord wat ons in ervaring beleef. Om te smaak dat die HERE goed is, beteken tog om iets te beleef, om iets te ervaar van die goedheid van ons Verlosser.
So kan ons aan die Nagmaalstafel die brood en wyn smaak, die fisiese smaak, terwyl dit baie dieper simboliek weerspieël van God se genade en seën deur die liggaam en bloed van Christus.
Ons staan vervolgens stil by die Nagmaal met die tema: Smaak en sien dat die HERE goed is.