Kategorie: Genesis (Page 4 of 10)

Vorm en inhoud

September 25, 2023 / admin

Skriflesing: Genesis 49 (1953); Jesaja 8: 23
Teksvers: Genesis 49: 21

Ons staan stil by die seënspreuk van Jakob oor sy twaalf seuns. Jakob is hier op sy sterfbed en spreek profeties die seën uit oor wat met die nageslag gaan gebeur. Op hierdie stadium het Jakob immers homself reeds bekeer van sy jeugdige sondes en kan hy nou ten volle gehoorsaam aan die Here net uitspreek wat God wil.

Daar is egter die groot hartseer dat sy seënspreuke ook straf uitdeel en ernstige waarskuwings gee. Wie daarna luister sal egter ook by die evangelie van genade sal uitkom.

Geen wonder dat Jakob in die middel van sy spreuke bid:

Op u verlossing wag ek, HERE! (vers 18)

Die maagdelike geboorte van Jesus Christus

Augustus 21, 2023 / admin

Skriflesing: Genesis 3; (1953) Luk 1:26-38; Matt 1:18-25; Galasiërs 3:15,16
Teksvers: Gen 3:15
HK: Sondag 14

Wat in HK Sondag 14 geleer en bely word is vir sekere mense onaanvaarbaar omdat dit alle wetenskaplike grense oorskry.

Wanneer ons egter die werklike diepte van sondeval sou begryp, dan sal jy ook verstaan dat slegs ‘n bo-menslike en bo-natuurlike ingrype, soos ‘n maagdelike geboorte (asook ‘n opstanding uit die graf en dood), die mens en hele skepping van daardie sonde-vloek kan verlos.

Hemel op aarde

Mei 29, 2023 / admin

Skriflesing: Genesis 18:16-33
Teksvers: Genesis 18:17-19
HK Sondag 5

Die paradys is verlore, die tuin van Eden is vir die mens gesluit. Die enigste manier hoe die mens ooit weer in die hemel kan kom, is om te betaal. Maar die hemel se hek-fooie is duur. Dit is so duur, dat jy dit nie kan bekostig nie. Want die prys om in die hemel te kom, moet jy betaal met jou lewe. Nou sit die mens met ‘n geweldige groot krisis. Daar is ‘n manier om die verlore paradys terug te kry, maar die prys is onmoontlik.

Ons staan vanaand stil by Abraham se gebed vir Sodom en Gomora waarin hy pleit vir God se geregtigheid om te geskied. So sien ons hoe God weer die hemelse belofte op aarde herstel.

Christus is nie ons Idol nie

Mei 15, 2023 / admin

Skriflesing: Gen 5:1-5; 6:1-8; Openb 13:11-18
Teksvers: Gen 6:5-6
HK Sondag 3
Die mens wat God geskep het na sy Beeld en gelykenis is so boos en sleg dat dit God berou dat Hy die mens gemaak het. Daar was smart in God se hart. So boos en sleg het die mens geword, dat God geen
ander uitweg sien as om die aarde met al die mense daarop volkome te vernietig nie. Dieselfde mens wat so goed en reg gemaak is, het heeltemal ontaard. Hoe sal ons tog God se oordeel kan ontvlug?
Die enigste uitweg is as God ons weer ‘n nuwe mens-heid maak.

Die huwelik is deur God ingestel.

Mei 15, 2023 / admin

Skriflesing: Gen 2:18-25; 1 Kor 7
Teksvers: Gen 2:18,21-24; Mat 19:4,5; Tit 1:6

Die huwelik is, buiten ons geloof, die grootste geskenk wat God aan die mens gegee het. Hierdie geskenk moet ons as uiters kosbaar, delikaat en wonderlik oppas en koester. Die huwelik is nie ‘n “gerieflikheidsreëling” nie. Die huwelik het nie uit ’n kultuur ontstaan nie. Die huwelik is deur God ingestel. God het uit die man, die vrou gemaak, “as sy gelyke”, “as wat by hom pas”. Die vrou is dus geensins minderwaardig teenoor die man nie. Die huwelik is daarom heilig, want dit is deur God ingestel.

Die huwelik is ’n geskenk van God.
Die huwelik moet heilig wees.
Die huwelik is ŉ afbeelding van ons verhouding met God.

Geslagtelikheid (gender) is God se keuse!

Mei 8, 2023 / admin

Skriflesing: Genesis 1:23-31; Matteus 19:3-10; Maleagi 2:15; 1 Korintiërs 3:18; Rom 1:21-32
Teksvers: Genesis 1:27; 2 Kor 3:18

In die sogenaamde WOKE-kultuur van ons dekade is daar die idee by sommiges dat ‘n mens jou eie geslag kan kies. Alhoewel dit in alle redelike denke as absurd sou tel, moet ons tog baie goed verstaan dat dit die gangbare taal van ons wêreld-omgewing geword het. Mans wat teen alle manlikheid in kies om ontman te word en andersom!

Daarteenoor sê Jesus onomwonde “dit was nie van die begin af so nie”.

Omgekeerde ‘waarhede’ is eintlik net bedekte leuens en ons moet ons (en ons kinders en nageslag) toerus om hier anders te dink as die wêreld.