Kategorie: Nuwe Testament (Page 34 of 130)

Deur Christus kom die Ou Testament tot sy reg

September 25, 2023 / admin

Skriflesing: Galasiërs 3: 15-25 (2020)
Teksvers: Galasiërs 3: 21, 22

Ons glo dat die wet met al die seremonies in Christus vervul is en tot ‘n einde gekom het.

Daarom is die vraag of die Ou Testament met al die wette, profesië en die geskiedenis van die volk Israel nog enige betekenis in 2023 vir ons het? Ons antwoord is dat die Ou Testament steeds sin en betekenis vir ons het.

Deur byvoorbeeld die profete, die wet en die geskiedenis van die Jode in die Ou Testament lei die Here ons verder om ons geloof in Christus te bevestig en te versterk. Ook die wet en profete en geskiedenis in die Ou Testament werk mee dat ons in en deur Christus ons lewe kan inrig tot eer van God en volgens sy wil.

Die hemele geopend

September 18, 2023 / admin

Skriflesing: Esegiël 1:1-3;(2020); Handelinge 7:44-61
Teksvers: Handelinge 7:55-56
HK: Sondag 19

Die dieptepunt van ons belydenis handel oor die lyding van Christus, maar die hoogtepunt van ons belydenis gaan oor die verhoging van ons Middelaar aan die regterhand van ons hemelse Vader, vanwaar Hy weer sal kom as Regter om te oordeel.

Daar is egter iets geweldig belangrik wat ons moet verstaan met betrekking tot hierdie koms van ons Here uit die hemele en sy terugkeer daarheen. Ons staan vanaand by die Nagmaal stil rakende die hemele wat geopen is.

Soos die slang verhoog is in die woestyn

September 11, 2023 / admin

Skriflesing: Numeri 21:1-10, Johannes 3:1-21(2020)
Teksvers: Johannes 3 Vers 13-15
HK: Sondag 18

Nie net staan ons Here Jesus op uit die dood om daarmee die dood en die mag van die Satan volkome te verbreek nie. (HK So 17) Hy vaar ook op na die hemel.

Elke jaar vier ons die hemelvaart op die 40ste dag na die Paasfees. Wat beteken hierdie verhoging van ons Here Jesus Christus?

Hy self verklaar dit aan Nikodemus aan die hand van die gebeurtenis uit Numeri 21…soos die slang verhoog is in die woestyn.

Nie tevergeefs nie!

September 4, 2023 / admin

Skriflesing:1 Kor 15 (1983)
Teksvers:1 Kor 15:1,14,58
HK: Sondag 17

In ons tyd is die aanslag teen die kerk van Christus veral gerig op die waarheid van die Woord. Die gewoon historiese waarheid. So ook die vraag of Jesus werklik uit die graf opgestaan het. Verskeie argumente word gewoonlik tot vervelens toe geopper.

Die interessante van die Woord is dat dit al in Paulus se dae ‘n vraag was, en dat Paulus nie die historiese bevraagteken nie, (wel eenvoudig bewys), maar dat hy wel daaroor bekommerd is of ons dit werklik wel glo. Daarsonder is alles, ook jou geloof totaal tevergeefs.

Deur die dwaasheid van die prediking versamel Christus sy kerk

September 4, 2023 / admin

Skriflesing: 1 Korintiërs 1:18-2:16 (2020)
Teksvers: 1 Korintiërs 1: 21-24

Die dwaasheid van die prediking? Wat kan dit tog beteken? Is dit wanneer ‘n mens dom voel na ‘n preek as jy dit nie verstaan het nie?

Soms wonder ons oor waarom God sekere dinge op sekere maniere wil gedoen hê. Wanneer dit kom by die wyse waarop God se kerk bymekaar gemaak word, is dit ook so uitsonderlike getuienis waar die Koning van die kerk ons leer dat Hy self aan die woord kom deur die Woord by wyse van die prediking wat vir ons soms dwaas lyk.

Die liturgie: Ons gebede soos wierook

Augustus 28, 2023 / admin

Skriflesing: Openbaring 8:1-5 (1983) Eksodus 40:1-5; 30:1-10,34-38
Teksvers: Openbaring 8:3,4

In die Tabernakel in die woestyn (en later in die beloofde land) staan die wierookaltaar reg voor die voorhangsel (gordyn).

Reg agter die voorhangsel staan die verbondsark met die versoendeksel en die twee gerubs daarop. Die rook van die wierrookaltaar kan eintlik nie by die verbondsark kom nie, behalwe eenkeer per jaar op die Groot Versoendag, as die hoëpriester daar ingaan namens die volk en met bloed en wierook in sy hande.

Nou het Christus die pad gebaan deur die voorhangsel heen (Heb 10:19), dit is deur sy liggaamlike offer aan die kruis. Ons gebede kan nou by die troon (verbondsark simbolies) van God uitkom. Daarom sien ons elke Sondag uit dat ons as gemeente saam kan kom bid.