Kategorie: Nuwe Testament (Page 32 of 129)

Die liggaamlike opstanding uit die dood

November 6, 2023 / admin

Skriflesing: 1 Tess 4:13—18 (1983)
Teksvers: 1 Tess 4: 18,14
HK Son 22

Die dood is en bly vir ons op aarde ‘n finaliteit van afskeid. Dit bly vir ons ‘n hartseer tyd van treur en verlang. As ‘n geliefde sterf is sy plek leeg. Nogtans het ons as Christene ‘n vaste en lewende hoop. Ons treur nie soos hulle wat geen hoop het nie. Ons het ‘n vaste hoop van waarheen ons gaan. Die Skrif is ook duidelik dat ons eindbestemming, is vir ewig.

• Die ewige lewe is ‘n groot troos vir Christene.
• Die liggaamlike dood is net ‘n tydelike slaap.
• Die liggaam en siel sal permanent herenig, met die wederkoms.

Genoeg is Genoeg

November 6, 2023 / admin

Skriflesing: Lukas 22:24-54, 63-71 (2020)
Teksvers: Lukas 22: 48- 51

Artikel 30-32 van die NGB handel oor die regering van die kerk en die ampte wat God daarvoor ingestel het. Die kerk word nie deur hierdie ampte regeer nie, maar deur Chirstus as die Hoof. Hierdie dienaars, moet egter toesien dat die kerk getrou is aan haar roeping en taak sodat Christus se regering getrou uitgevoer word.

In hierdie teksgedeelte vind ons nie minder nie, as drie persone wat baie prominent op die voorgrond tree. Petrus, wat Jesus verloën, Judas wat Jesus verraai sowel as die hoëpriester wat Jesus laat gevange neem en veroordeel. Ons staan vanoggend stil by Jesus se beskrywing oor die wyse waarop Hy regeer.

HERVORMINGSDIENS: Maak jou roeping en verkiesing vas

Oktober 30, 2023 / admin

Skriflesing: 2 Petr 1:1-15 (1983)
Teksvers: 2 Petr 1:10,11

’n Ware gelowige moet die sekerheid hê dat hy uitverkies is.
’n Ware gelowige moet die sekerheid hê dat hy ’n geroepene is.
’n Ware gelowige moet die sekerheid hê dat hy in hierdie lewe nie sal struikel nie.

Laat ons van vandag af kragtig daarna streef en met geesdrif daaraan werk om ons roeping en verkiesing deur God in Jesus Christus te bevestig. Laat ons ons roeping as gelowiges opvolg, met ’n godvrugtige lewe, sodat ons roeping gesien kan word.
So sal ons dan nooit struikel of afdwaal nie maar deur die genade ook die ewige koninkryk van onse Here en Verlosser Jesus Christus beleef.

Die heilige kerk van Christus

Oktober 23, 2023 / admin

Skriflesing: Efesiërs 4 (1983)
Teksvers: Efesiërs 4
HK: Sondag 21

Ons bely dat Christus oor die eeue vir Homself ‘n vergadering van gelowiges versamel en dat ek daarvan ‘n ewige en lewende lid is.

Die gemeenskap van die heiliges is nie maar net woorde wat ‘n hoë sosiale status aan die kerk gee nie. Die gemeenskaplike van die kerk is nie net in Bybelstudie of gemeente-etes te vinde nie, maar wel in die geloof.

So het ons selfs gemeenskap met dié wat reeds die hemele ingegaan het! Die kerk is groter as sy aksies, sy eredienste en sy individue. Dit is die kerk van Christus wat in één geloof in en deur Jesus Christus saamverbind is.

Elkeen is verplig om hom by die ware kerk te voeg!

Oktober 23, 2023 / admin

Skriflesing: 2 Kor 6:1-7:1 (1983)
Teksvers: 2 Kor 7:1

Daar is al ‘n algemene neiging om te praat van ‘n kerklose christedom. Maw Christene wil nie meer aan ‘n gemeente behoort nie, om verskeie redes. Tog bely ons in die Nederlandse Geloofsbelydenis artikel 28 dat: “Elkeen is verplig om hom by die ware kerk aan te sluit!” Nou dit is sekerlik nie so ‘n maklike vraag, wat is die ware kerk nie. Om dit te verstaan moet ons juis hierdie reeks preke volg van hierdie kwartaal wat handel oor NGB arts. 27-30.

1 Paulus se beroep op standvastigheid. 2 Kor 6:1
2 Paulus se beroep op suiwerheid. 2 Kor 6:14
3 Paulus se beroep op gehoorsaamheid. 2 Kor 7:1

Die krag van die Heilige Gees oortuig en bring die geloof

Oktober 16, 2023 / admin

Skriflesing: 1 Kor 1:18-2:16 (1983)
Teksvers: 1 Kor 2:4
HK: Sondag 20

Om die evangelie, die blye boodskap te verkondig, vra nederige afhanklikheid van die Here. Daar is nie groot geleerdheid of hoë woorde nodig nie, net ‘n diepe afhanklikheid van God. God gee dan deur die kragtige werking van die Heilige Gees die bevestiging van die evangelie in die harte van sy kinders. Geloof kom dus nie deur die wysheid van mense, deur die vermoë van kragtige predikers nie, maar deur die werking van die Heilige Gees met die krag van God.

1 Kor 2:4

“Die boodskap wat ek verkondig, het julle oortuig, nie deur geleerdheid en welsprekendheid nie, maar… deur die kragtige werking van die Gees.”