Kategorie: 1 Korintiërs (Page 3 of 6)

Skriflesing: 1 Korintiërs 1:18-2:16 (2020)
Teksvers: 1 Korintiërs 1: 21-24

Die dwaasheid van die prediking? Wat kan dit tog beteken? Is dit wanneer ‘n mens dom voel na ‘n preek as jy dit nie verstaan het nie? 

Soms wonder ons oor waarom God sekere dinge op sekere maniere wil gedoen hê. Wanneer dit kom by die wyse waarop God se kerk bymekaar gemaak word, is dit ook so uitsonderlike getuienis waar die Koning van die kerk ons leer dat Hy self aan die woord kom deur die Woord by wyse van die prediking wat vir ons soms dwaas lyk. 

Skriflesing: 1 Korintiërs 15:1-58 
Teksvers: 1 Korintiërs 15:45 

In die Moederbelofte het ons gehoor van die ewige vyandskap tussen die nageslag van Eva en die satan. Daardie profesie getuig van lewe na die dood. Dit is die hoop van die belofte soos vermeld in Handelinge 24:15 et al. Uit die natuurverbond het ons die behoud van Noag gesien, hoe die Here rus gee aan die natuur vanweë die sonde van die mens en die heerlike teken van die reënboog. By Abraham het die Here sy genade bevestig, en Abraham vrygespreek op grond van sy geloof. Hy het ook die teken ontvang deur bloed in die nageslag, sowel as ‘n land om in te woon. 

Hierdie beloftes is herbevestig by Isak, Jakob en Moses. Die wet dien as grondwet van die koninkryk en getuig van God se verlossing en gemeenskap. Dit word bevestig deur Josua en later ook Dawid. Vanoggend wil ons graag stilstaan by die gewaarwording van hierdie ewige genadeverbond waaraan ons en ons kinders deel kry in Christus, die laaste Adam. 

Skriflesing: 1 Kor 11
Teksvers: 1 Korintiërs 11:27-29 

In die Rooms Katolieke Kerk word die nagmaalbrood vooraf deur die priesters geseën en dan verander dit in wese tot die liggaam van Christus! (So word die doopwater ook gewyde water!) Dit is die Transsubstansiasieleer van die RKK. Hulle noem die broodjie daarom nie meer ‘brood’ nie, maar wel ‘n “hostie”. Dit is afgelei van die Latynse woord ‘hostia’ wat offer-lam beteken.
Gevolglik mag gewone mense, onwaardige leke, nie die heilige brood of wyn hanteer nie. Dalk mors hulle daarvan of daarmee!
Ons teks vandag gaan oor waardige en onwaardige nagmaalviering. Jy kan selfs in ‘n oordeel kom, beskaam word, as jy nie mooi oplet nie. Die vraag is dus: Is jy waardig? Wie mag dan Nagmaal vier? Wat is onwaardig? Ens.