Skriflesing: Hebreërs 10:19-39 (1983)
Teksvers: Heb 10:25
Ons het nou reeds verskeie dissiplines (geestelike gewoontes) van die nuwe mens in die PREDIKING aangespreek.
Ons teks spreek die slegte gewoontes, van wegbly uit die samekomste aan. As ons besef dat die brief aan die HEBREËRS eintlik aan ‘n groot christelike gemeente in Rome gerig is, verstaan ons ook die sogenoemde ‘samekomste’ (vs 25). Hulle het in klein huisgemeentes saam-gekom. Die Here roep ons dus op tot die intieme samesyn met medegelowiges.
Die Griekse woord vir hierdie onderlinge gemeenskap is ‘koinonia’ wat nou al byna as ‘n Afrikaanse woord geyk is.