Page 191 of 345
Skriflesing: Galasiërs 5:1-26
Teksvers: Galasiërs 5:5-6
HK Sondag 7 V&A 21
Geloof en Hoop en Liefde wek vreugde. Dit is die evangeliese boodskap. Vanaand staan ons stil by die eerste brief wat Paulus geskryf het, aan die Galasiërs, om te sien hoe hierdie drie terme gebruik word. Die Galasiër brief, is dan ook by uitstek ‘n brief wat gaan oor geloof. Die hele pleidooi van Paulus wys op die teenstelling tussen die werke van die wet en die geloof.
In Hoofstuk is daar ‘n pragtige samevatting waarin al drie hierdie terme saamgevat word nl. Dat ons deur die Heilige Gees uit die geloof wag op die vryspraak (geregtigheid). Want die krag van Jesus Christus is nie in menslike dinge soos die besnydenis nie, maar in die geloof, wat werk (energeo) deur die liefde. Amen
Skriflesing: Op 22:6-21
Teksvers: Open 22:16
“Ek is die helder Môrester!”
As die sonsopkoms, moet ons reg en klaar wees vir die dag se werk. Die meeste van ons staan vroeg op as dit nog donker is, bad, trek aan, eet en berei ons voor vir die dag se werk.
Want as jy laat slaap…
- hardloop jy angstig deur die dag om alles klaar te kry, as jy vroeg opstaan,
- kan jy rustig jou dagtake afhandel.
Om ons te waarsku dat die dag al naby is, is daar ’n helder môrester, Venus, wat helder brand en die naderende dag aandui.
In hierdie laaste gedagte-eenheid van Openbaring, handel dit oor die Christen se gereedheid vir die wederkoms van ons Here Jesus Christus. Daarom gaan ons na drie sake kyk, hoe om ons voor te berei. Ons moet …
- God se Woord gehoorsaam. Op 22:6-11,18-19
- ons lewens rein hou. Op 22:15,16
- voortdurend bid en Jesus Christus se wederkoms verwag. Op 17,20,21
Psalm 108
Dawid het Psalm 108 saamgestel uit die volgende twee Psalms nl. Psalm 57:8-12 en Psalm 60:7-14. God se waarheid is altyd waar en daarom kan daar nuwe lofsange oor Hom gemaak word. Dawid het twee van sy vorige Psalms geneem en ‘n nuwe Psalm gemaak. Die opskrif is “Toon u grootheid, o God.” Dawid sing ‘n lied tot eer van God vir sy beskerming. Hierdie is nie sommer net ‘n lied laat in die nag nie, dit is ‘n lied wat hy vroegoggend sing as hy vars en wakker is.
Psalm 108:2-6
2 “Ek voel weer veilig, o God, ek wil ‘n lied sing, ja, ek wil sing, ek wil vroeg opstaan, met harp en lier wil ek die rooidag wakker maak! 3 Onder die volke wil ek U loof, Here, onder die nasies u lof besing, 4 want u liefde reik tot in die hemel, u trou tot in die wolke. 5 Toon u grootheid, o God, hoog bo die hemel, hoog bo die aarde u mag.”
Dit is die voorreg van vroeg opstaan om Bybelstudie te doen. In die oggend na ‘n goeie nagrus is jy vars en fris en kan jy met onverdeelde aandag jou tyd aan lofprysing bestee. Dit is wanneer Dawid sy harp en lier uitgehaal het en God geloof en geprys het.
So moet ons dalk ook vroeg opstaan, veral in die Herfs en Somer, die Rooidag tegemoet, met die Bybel in die hand, en God loof en prys en aanbid.
NP van Wyk Louw, befaamde digter, het ook ‘n gedig geskryf met die opskrif:
ROOIDAG
N.P. van Wyk Louw
“Rooidag, rooidag, wat bring jy?
Ek weet nie waarom voel ek so bly;
my hart die klop, en dit voel vir my,
sowaar, sowaar, vandag kom hy.”
“Ek wil vroeg opstaan en die rooidag wakker maak!”
Ds. Gerrit