Page 240 of 345
Skriflesing: Mat 28:1-20
Teksvers: Mat 28:16-20
HK: Sondag 27
Mat 28:16-20, word dikwels genoem die “Groot Opdrag”. Dit is egter nie heeltemal waar nie, omdat elke opdrag en elke vers in die Bybel ewe belangrik is. Nogtans is dit ’n opdrag wat aan ons gegee word en wat ons baie ernstig ter harte moet neem. So ons moet verstaan wat dit beteken, waar dit vandaan kom en wat dit vandag van ons vra.
- Jesus praat met gesag. v18
- Jesus vra ’n aktiwiteit van ons. v19-20a
- Jesus is altyd by ons. v20b
(Last updated on Augustus 17th, 2020)
Skriflesing: 1 Konings 19:1-19; Jakobus 5:17-18
Teksvers: 1 Konings 19:3-4
Soms kan die lewe net een te veel word… Soms voel dit asof ‘n mens net nie een tree verder kan gee nie. En dit is nie omdat jy nie weet wat God se beloftes is nie, dit is omdat jy net so moeg en uitgeput is dat jy nie verder kan nie, nie verder wil nie. Alles het net te veel geword…
Soms voel dit of ‘n mens net wil weghardloop van al die sorge en probleme van die lewe. Maar waarheen sal ‘n mens vlug? Elia het die woestyn in gevlug en daar onder ‘n bossie gaan lê en gewens om te sterf.
Maar niemand kan vir die HERE wegkruip nie. Dit is die tema waarby ons vanoggend wil stilstaan: as die lewenspad vir ons te lank word, moet ons by die Here skuil. Ons kyk na die lewe van die profeet Elia, ‘n mens net soos ons, daar onder die besembos ‘n dagreis ver die woestyn in…