Kategorie: Preke (Page 11 of 183)

Sien jy die Lam van God?

September 22, 2025 / admin

Skriflesing: Joh 1:19-34; Heb 12:1-3; Op 5:1-7; Job 42:5 (1983)
Teksvers: Johannes 1:29

Die Here leer ons in sy Woord om anders na dinge te kyk. Anders kyk is ook anders dink en doen. In ons eie gedagtes is ons mos tot alles in staat, maar in die oë van die Here net nog verlore sondaars!

Hy roep ons op om die wonder van sy genade nie mis te kyk nie. Die Man van Nasaret, die seun van die timmerman, die mens Jesus, is die Een wat in staat is om die onmoontlike te doen. Om versoening tussen die heilige God en mense te bewerk.

En die eenvoudige tekens van die Nagmaal stel u vandag weer in staat om Hom en sy versoeningswerk raak te kyk/sien: Die Lam van God wat die sonde van die wêreld wegneem.

Die Here bewaar jou oppad

September 15, 2025 / admin

Skriflesing: Psalm 121 (1983)
Teksvers: Psalm 121:8

Ons het verlede week geleer dat ons bestemming veilig is. Wat ‘n heerlike uitsig op ewige herstel (Jes 35). Ons weet dat Jesus ook saam met ons op hierdie reis is! Ons weet nou ook dat Hy die pad voor ons uitgeloop het, die pad/weg na die kruis, waarvoor Johannes die Doper die wegbereider was (Mat 14).

Psalm 121 leer ons vanaand dat die Here ons op hierdie pad bewaar. Selfs al gaan ons pad deur die dood heen is Hy steeds daar met sy bewarende regterhand. Ook hiervan is die Nagmaalviering van volgende Sondag ‘n bewys en versekering.

Die Basuin van Bevryding

September 15, 2025 / admin

Skriflesing: Levitikus 25:8-10; Numeri 10:1-10 (2020)
Teksvers: Levitikus 25:9-10

Daar is ‘n geluid in Israel wat enige slaaf se hart laat bokspring. Dit is ‘n klank wat enige skuldenaar die kettings hoor breek, wat swaar belaste mense se skuld bevry, wat trane in vreugde verander.

Dit is die geluid van die basuin met die aanbreek van die Jubeljaar. As die basuin geblaas word, is dit die aankondiging van die begin van ‘n nuwe tyd.

Deur die Skrif hoor ons gedurig van die blaas van trompette en basuine. Ons wil vandag in besonder ons aandag bepaal by die betekenis van die geluid van die basuin van bevryding.

Gebruik jou gawes om die genade uit te deel

September 8, 2025 / admin

Skriflesing: Matteus 14:1-21 (1983)
Teksvers: Mat 14:16

Ons bekyk vanaand die wonder van die eerste vermeerdering van die brood en vissies. Hierdie perikoop vertel nie net dat Jesus mag het oor alles en brood kan vermeerder nie. Ja Hy kan vir die biddende gelowiges alles voorsien wat hulle benodig.

Ons hoop egter om met die oog op die komende nagmaal (oor twee weke) nog dieper te kyk en raak te sien dat Jesus gesterf het om vir ons die hemelse brood van die lewe te gee, sodat ons dit kan uitdeel vir die hongeriges van hierdie wêreld.

Daar is ‘n pad na die hemel

September 8, 2025 / admin

Skriflesing: Jesaja 35:1-10 (2020)
Teksvers: Jesaja 35:8-10

Die bedoeling van die Jubeljaar is om herstel te bring. Die mens word so maklik oorrompel en oorweldig deur die sonde en die vernietigende effek daarvan, dat ons so maklik vergeet waarvoor ons geskep is: om God te eer en vreugde in Hom te ervaar.

Maar weet u, daar is ‘n weg, daar is ‘n pad uit hierdie woestynland van die sonde na die beloofde ewige heerlikheid. Dit is ‘n pad na die hemel.

Sondebesef lei tot‘n dankbaarheidslewe

September 1, 2025 / admin

Skriflesing: Efesiërs 2:1-10 (2020)
Teksvers: Efesiërs 2:1 en 5

Efesiërs 2:1-10 is ‘n besondere perikoop wat handel oor die mens se sonde, sy verlossing in en deur Jesus Christus asook die verloste mens se lewe van dankbaarheid.

Hierdie drie-deling kom ook in Romeine en ander boeke in die Bybel voor. Dit word verder gebruik in die Heidelbergse Kategismus, die doop- en nagmaalformuliere.

Kom ons kyk weer nuut na die wonder-genade van die Here soos dit uiteengesit is in Efesiërs 2: 1-10. Verwonder jou weer opnuut oor die genade wat aan ons verkondig word in God se Woord, naamlik dat die Heilige Gees ons deur ons sondebesef lei tot ‘n smag na verlossing deur Jesus Christus, wat dan uitvloei in ‘n opregte dankbaarheidslewe.