Kategorie: Nehemia

Skriflesing: Nehemia 2:1-20 (2020)
Teksvers: Nehemia 2:4

Die Jubeljaar is ook ‘n hersteljaar. Dit gee geleentheid om dinge reg te maak wat deur die verloop van tyd verkeerd gegaan het. Maar herstel kom nie vanself nie. 

Baie keer is herstelwerk baie meer veeleisend en baie meer moeite as om dinge maar net te los soos dit is. Om dinge egter net te los, bring nie verbetering nie. So het Nehemia verneem dat al die ballinge wat teruggekeer het na Jerusalem, selfs nadat die tempel herstel is, nog nie die muur herstel het nie. 

Nehemia se ontsteltenis is op sy gesig te sien, en in sy houding. Dan vra die koning vir hom ‘n geweldige vraag, en ‘n vraag wat ek en jy self moet beantwoord oor die dinge wat ons graag wil regstel in die lewe: Wat wil jy hê moet gebeur? 

Lees: Nehemia 8:1-19
Teksverse: Nehemia 8:9, 13

Skriflesing: Nehemia 8:1-19
Teksvers: Nehemia 8:11 

Uit die lewe van Dawid het ons gesien hoe dit hom bly maak om die Here te dien. Maar na Dawid gesterf het, het dinge in Israel erg skeef geloop. Die stamme is in twee ryke verdeel en die godsdiens in Israel en Juda verval tot materialisme. 

Nie net is Israel in ballingskap weggevoer na Assirië nie, ook Juda is na Babel. Na 70 jaar in ballingskap kom daar van die ballinge terug om Jerusalem en die tempel te herstel. Onder Serubabel sukkel dit, en Sagaria en Haggai wys die mense op hulle dubbele standaarde. Hulle bly in betimmerde huise, maar die tempel lê stukkend. Die volk herstel die tempel, maar die mure van die stad is nog stukkend. 

Dit is op navraag wat Nehemia, die skinker van die koning van Babel, hoor dat dinge in Jerusalem nie goed gaan nie. Tot nog toe was Nehemia te vrede met sy luukse lewe in die heidendom. Hy besef hy kan nie stilsit en maar net toekyk hoe die kerk tot niet gaan nie… Ons staan vanoggend stil by die voltooiing van die mure as die volk die wet vir die eerste keer in ‘n lang tyd hoor en hulle reaksie op God se genade… Amen 

Skriflesing: Nehemia 1
Teksvers: Nehemia 1:4-10

Nehemia fokus in hierdie eerste van tien gebede op die grootheid van die Here. Dit is sy basis waarop hy staan om tot die Here te nader.

Die Here is die groot en ontsagwekkende God. Verder bely hy die sonde van homself, sy gesin en die van die Israeliete. Dan eers kan hy op die Here fokus wat getrou bly aan sy beloftes.

Laastens kom hy in hierdie gebed om sy behoefte aan die Here te stel. Geen gebed kan gebid word sonder die be-sef van die Here se grootheid en ons eie afhanklikheid aan die Here nie.

Mag jy met groot verwagting tot die grote God nader in gebed, wetende dat jy totaal en al van Hom afhanklik is.

Laai af