Gereformeerde Kerk Centurion

Die Here openbaar Homself deur Sy reddende werke en bring ons gees tot rus in Hom

Desember 9, 2024 / admin

Skriflesing: Habakuk 3:1-19
Teksvers: Habakuk 3:18-19

In die derde hoofstuk van Habakuk kom die boek tot ’n hoogtepunt. Deur die hele boek hoor ons hoe die profeet worstel met die Here oor die onreg van sy volksgenote en die wreedheid van die volk wat die Here stuur om hulle te straf.

In hierdie hoofstuk hoor ons die lied van die profeet wat terugdink aan al die reddende dade van die Here in die verlede. Op grond van sy oordenking van die Here se verlossing vind hy dan rus in die Here ten spyte van enige ellende wat oor hom kom.

Jesus word ontklee om ons te beklee

Desember 9, 2024 / admin

Skriflesing: Joh 19:17 37; Gen 3:21; Ps 22:1-19; 2 Kor 5:1 5; Rom 13:14; Kol 3:12; Op 7:9; 19:1-8; Op 21:1,2 (2020)
Teksvers: Johannes 19:23,24

Jesus klou nie vas aan sy aardse goed nie. Self leer Hy ons dat as iemand jou onderkleed wil vat, laat hom ook die boklere kry (Mat 5:40). Dan doen Hy dit self – Hy word ontklee! Hulle vat sy klere en dobbel daaroor. Hy baklei nie oor aardse goeters nie.

Hy is besig met die hemelse! Hy vervul Psalm 22 wat Hy later self ook gaan aanhaal! Hy is besig met die profesie! Die groot Profeet wat hier offer (ontklee) word selfverloënende Hoëpriester, en as Hy oorwin word hy Koninklik beklee met dié Naam wat bo elke naam is (Fil 2:11).

Nuus

Desember 6, 2024 / Johan Hoogenboezem

Eredienste

09:00 en 18:00 eredienste word hier uitgesaai in beeld en hier uitgesaai in klank.
11:00 Alethea Outreach service can be followed here .

Ons gee om vir mekaar:

Ons lidmate word aan die liefdevolle versorging van die Here opgedra

“…die Here sal my onder sy sorg neem.” Ps 27:10

Geluk

Met die komende huwelikbevestigings:

7 Des—Karla Dekker en Fred Reyneke.
12 Des—Erika van de Wateren en Shaun Fireson.
13 Des—Clarise Mosdell en Ignatius du Preez.
4 Jan—Hermi Pelser en Martin Grobler.

Die Kommunikaatjie

Lees dit hier

Kollektes

…kan afgedra word d.m.v EFT (bankbesonderhede in ‘n kommunikaatjie) of met Zapper. Vir QR-kodes kliek hier.

EINDE 2024

Desember 6, 2024 / admin

Ons het sowaar by die laaste nuusbrief van die jaar gekom. ‘n Jaar met sy eie dinge, maar voorwaar nog ŉ jaar geseën deur ons troue Here en groot Herder. Ons dank Hom vir genade op genade.

Ons sluit nou die jaar se verrigtinge af met die beste wense vir almal in hierdie feesgety en met die bede dat u mag rus en uitrus in die vrede van God. As u dalk op reis gaan bid ons julle ‘n veilige en voorspoedige reis toe. Mag u elkeen die nabyheid van die Here op ‘n besondere manier ervaar.

Volgende jaar se uitsig is die groot feesviering van ons gemeente se Jubeljaar. Ons roep vyftig jaar se genade in herinnering en beplan vir die groot naweek van 1 Junie 2025. Ons hoop en glo dit gaan in baie opsigte ‘n baie spesiale jaar wees onder liefdevolle hand van die Here se seën.

Al ons lof en eer en dank aan Hom wat kan doen vér bo dit wat ons bid of dink. Aan Hom die heerlikheid tot in ewigheid.

Vergun my om namens u leraars en die kerkraad u elkeen ŉ vreugdevolle Kerstyd en vakansie toe te wens. Mag dit vir ons almal ŉ ware herinnering wees aan die grootste gawe van God en laat ons nie ophou om Hom daarvoor te loof en te dank nie.

Ds Maarten

Kommunikaatjie vir 8 Desember

Desember 6, 2024 / admin

Hierdie is die laaste uitgawe vir 2024.

Maak oop

Deur vernedering verhoog

Desember 2, 2024 / admin

Skriflesing: Fil 2: 5-11 (1953)
Teksvers: Fil 2: 5-11

“[5] Want hierdie gesindheid moet in julle wees wat ook in Christus Jesus was. [6] Hy, wat in die gestalte van God was, het dit geen roof geag om aan God gelyk te wees nie, [7] maar het Homself ontledig deur die gestalte van ‘n dienskneg aan te neem en aan die mense gelyk geword; [8] en in gedaante gevind as ‘n mens, het Hy Homself verneder deur gehoorsaam te word tot die dood toe, ja, die dood van die kruis. [9] Daarom het God Hom ook uitermate verhoog en Hom ‘n naam gegee wat bo elke naam is, [10] sodat in die Naam van Jesus sou buig elke knie van die wat in die hemel en die wat op die aarde en die wat onder die aarde is, [11] en elke tong sou bely dat Jesus Christus die Here is tot heerlikheid van God die Vader.”