Gereformeerde Kerk Centurion

Die webtuiste vir die Gereformeerde Kerk Centurion.

Etiket: Sondag 32

Hoe sien jy jou dankie?

Januarie 29, 2024 /

Skriflesing: 1 Korintiërs 1:1-8
Teksvers: 1 Korintiërs 1:4-8
HK: Sondag 32

Van kleins af leer ons kinders om “asseblief” en “dankie” te sê. Nie net is dit goeie maniere nie, dit wys op ‘n innerlike ingesteldheid. Iemand wat dankie sê, is dankbaar. 

Een van die dinge wat ‘n mens geweldig kan ontstel is wanneer iemand bv kos bedel, maar dan daardie kos in die asblik gooi. 

Dit is egter presies wat ons ook in ons geestelike lewe doen. So maklik word ons bedelaars van God se genade, maar gooi in die asblik wat God aan ons gee, sonder dankie. Of dat ons dink dat ons sekere dinge verdien. Dan is daar ook geen dankie nie. 

Ons staan vanaand stil by die eerste woorde aan die Korintiër gemeente met die oog op die rede waarom ons goeie werke moet doen, met die vraag: hoe sien jy jou dankie? 

God is die een en die al van ons bestaan en moet daarom verheerlik word in ons dade!

Augustus 15, 2022 /

Skriflesing: Fil 2:5-18
Teksvers: Fil 2:12b,13
HK Sondag 32

Goeie werke is noodsaaklik in die Christen se lewe met die doel…

  • Sodat ons met ons hele kan bewys dat ons dankbaar is vir God vir sy Goeie werke in ons.
  • Sodat God deur ons geprys kan word.
  • Sodat ons vir onsself sekerheid kan verkry uit ons dade.
  • Sodat ons ons naaste vir God kan wen deur ons dade.

Maar ons doen juis goeie werke net uit die krag van God en deur sy genade tot sy eer. Dit is belangrik om vir alles die eer aan God alleen te gee.

Sonder goeie werke is ons geloof dood

September 18, 2020 /

Skriflesing: Jakobus 2:14-26
Teksvers:  Jakobus 2:17
HK: Sondag 32

Wat ‘n verskriklike aanklag: Sonder goeie werke is jy geestelik morsdood! Baie mense reken dat ons nie enige iets kan saamneem hemel toe nie, en tog bly dit duidelik dat ons nie sonder goeie werke die hemele sal kan binnegaan nie.

Daar is wel ‘n wesenlike onderskeid: Ons doen nie goeie werke om in die hemel te kom nie, nie om gered te word nie, maar omdat ons gered is. Goeie werke is die bewys van ons verlossing.

Ons staan vanaand stil by die tema: Sonder goeie werke is ons geloof dood. Amen

Laai af

Dankbaarheid teenoor God word geopenbaar in goeie werke!

September 1, 2017 /
Skriflesing: Mat 5:13-16
Teksvers: Mat 5:16
Mat 5:13 “Julle is die sout vir die aarde…” Sout het net waarde as dit vars en bruikbaar is.
Mat 5:14 “Julle is die lig vir die wêreld….” Lig moet diensbaar wees anders word dit weggesteek en is onbruikbaar.
Mat 5:16 “Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.”
Ons gaan vanaand na drie sake kyk:
1 Dankbaarheid word openbaar in goeie werke.
2 Dankbaarheid word openbaar in ’n nuwe lewe.
3 Dankbaarheid word openbaar in die verheerliking van God.

© 2024 Gereformeerde Kerk Centurion

Theme by Anders Noren — Up ↑