Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Preke (Page 38 of 187)

Diepe ontsag vir God lei tot ware broederliefde

April 15, 2024 /

Skriflesing: Hebreërs 12 en 13 (1983) 
Teksvers: Hebreërs 12:29 

Ons staan hierdie kwartaal tydens aanddienste stil by die TWEEDE TAFEL van die Wet van GOD. 

In die Hebreërbrief word ons herinner aan die offer van die Hoëpriester wat Homself as Lam van geoffer het vir ons redding en verlossing van al ons sondes. Wie Hom verag kry met ‘n vreeslike God van oordeel te make. 

Wie Hom eer sal dit in sy alledaagse lewe op ‘n heel praktiese manier uitleef in die gewone gang van die alledaagse lewe. 

So kom die eerste en tweede tafel in Christus by mekaar uit. 

God alleen is waardig om die heerlikheid en die eer en die mag te ontvang

April 15, 2024 /

Skriflesing: Open 4:1-11; 5:1-14(1983) 
Teksvers: Open 4:11; 5:11,13,14 

Daar was nog altyd ‘n stryd in God se kerk op aarde. Ons lees daarvan in Openbaringe 1-3. Ons hoef egter nooit te twyfel of moedeloos te word nie. Juis in Openbaring 4 lees ons van God as Skepper, wat op sy troon sit en in Openbaring 5 van Jesus Christus wat alleen waardig en in staat is om boek in die Vader se hand oop te maak. 

Psalm 33:7 
(Berymd. Totius) 
“Die HEER wat bo die wentelkringe 
van son en maan sy rykstroon stig, 
aanskou die mense en alle dinge – 
daar’s niks bedek voor sy gesig. 
Uit sy vaste woning / waar Hy heers as Koning, 
sien Hy, Skepper-HEER, uit oneindig hoë / blou-deurglansde boë 
op sy skepsel neer.” 

1 Johannes sien die hemele op ’n skrefie oop. 
2 Johannes sien ’n troon. 
3 Johannes sien hoe alles en almal God loof en prys. 

Die Oes is groot en die arbeiders min!

April 8, 2024 /

Skriflesing: Luk 5:1-11; 10:1-16
Teksverse: Luk 5:10c; Luk 10:2

Daar is soveel nood in die wêreld.  Nood wat beteken dat die oes groot is en die arbeiders min.    Baie mense het nog nie die evangelie gehoor nie.   Baie mense het nog nie tot ware bekering gekom nie, alhoewel hulle al die evangelie gehoor het.   Ons wat tot geloof gekom het het die wonderlike genade ontvang om te mag glo.

Ons mag nie hierdie wonderlike gawe vir onsself hou nie.   Ons moet dit uitjubel en dit ook aan ander meedeel.  God roep ons daartoe.   God maak ook gewillig en bekwaam   Ons moet nie vrees of bang wees hiervoor nie, want God stuur ons en Hy sal ons bewaar. Daarom moet ons nooit ophou om te bid vir diegene wat spesifiek geroep is om die evangelie te verkondig onder heidene en onder moeilike omstandigehede nie.

Christus het deur sy opstanding die dood oorwin.

April 8, 2024 /

Skriflesing: Mat 28:1-10; Kol 3:1-17; Rom 8:11,34
Teksverse: Mat 28:5-7; Kol 3:1,2; 1 Kor 15:3-6,20,21

Die dood word dikwels beskou as ‘n onherroeplike, onherstelbare verlies.   Mense dink dit is die ergste wat met ’n mens kan gebeur, jy gaan dood en dan is dit klaar met jou.  Maar, Christus se opstanding uit die dood, is die grootste wonder van alle tye!  Juis die sondige mens wat nie glo in die opstanding nie, is hier totaal en al verkeerd bewys, wat menslik onmoontlik is, het deur die krag van God waar geword.   Die skepping het as ’n ware in afwagting asem opgehou, sou Jesus Christus uit die dood opstaan of nie.  Kolossense konstateer die feit dat ons saam met Christus uit die dood opgewek is.   Ons glo dit en bely dit en die Heilige Gees getuig dit in ons harte.  Dit is ook ons belydenis dat Christus nie net uit die dood opgestaan het nie, maar ook dat daar vir ons nut is in sy opstanding.

Vöelvry in Christus

April 8, 2024 /

Skrifgedeelte: Lev 14:1-21
Teksvers: Lev 14:5-7

Die reiniging van ‘n melaatse persoon het baie spesifieke voorskrifte. Niemand wat melaats is mag in die gemeenskap kom nie. Melaatsheid is hoogs aansteeklik met die gevolg dat so ‘n persoon uitgewerp word sonder plek of hoop. En tog is daar hoop, maar slegs as die melaatse gesond word. Daarby staan ons vanoggend stil, by die ritueel van die vrylating van ‘n voël, wat in ‘n ander se bloed gedoop is met die tema: voëlvry in Christus.

Die Here skeur self die weg vir ons oop na Hom toe 

Maart 25, 2024 /

Skriflesing: Mattheus 27:32-54; Hebreërs 10:1-25 (1953)
Teksvers: Mattheus 27:50-51a

Die doel van die kruisiging word vir ons geopenbaar toe God self die voorhangsel na die allerheiligste skeur. Die doel was dat ons toegang mag hê tot onse God. Ons Here Jesus Christus is die vervulling van die skadu’s van die tempel. Hy is vir ons verskeur, sodat ons deur Hom kan gaan na ons Vader. 

Ons het die opdrag om nou te leef in die teenwoordigheid van God die Heilige Gees, in die allerheiligste. Daar kan ons leef sonder vrees en met groot vrymoedigheid, omdat ons gereinig is in Christus se bloed. 

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑