God seën ‘n worstelende gelowige

Skriflesing: Genesis 32
Teksvers: Genesis 32

“…. Jakob het geantwoord: “Ek sal jou net los as jy my seën.” Toe vra die man: “Wat is jou naam?” en hy antwoord “Jakob.”
Die man het gesê: “Jy sal nie meer Jakob genoem word nie, maar Israel, want jy het teen God en teen mense ‘n stryd gevoer en jy het dit end-uit volgehou.”
Toe sê Jakob: “Sê my tog jou naam,” en die man vra: “ Waarom vra jy my naam? … ””
Genesis 32: 26-29

Laai af

Die einde: Die Here se geduld misverstaan?

Skriflesing: 2 Petrus 3:1-18
Teksvers: 2 Petrus 3:8,9

My weë is nie soos julle weë nie en my gedagtes nie soos julle gedagtes nie… so het die groot profeet Jesaja al oor die Here geprofeteer (Jes 55). Dit kan dus nogal lewensgevaarlik raak om God te probeer uitredeneer of met ons beperkte verstandjies te probeer begryp of verklaar. Ons doen juis dit as ons die Bybel probeer verklaar vanuit die sogenaamde wetenskaplike bevindinge van ons moderne tyd. Wetenskaplikes het immers nou “onbetwisbaar’ bewys dat die aarde miljoene jare oud is en dat daar blykbaar toe nooit ‘n groot vloedramp in Noag se tyd was nie!! Hoe slim kan ons raak as ons bo die Bybelse profetiese boodskap wil uitstyg en God se waarheid betwyfel! Petrus het ons al destyds teen hierdie neiging van die “laaste dae” gewaarsku. Kom ons kyk wat gaan verlore as ons die wetenskap bò die Bybel stel…!

Laai af

Jy mag nie moord pleeg of doodslaan nie!

Skriflesing: 1 Joh 2:28-3:18
Teksvers: 1 Joh 3:11-17; Joh 8:44

’53 vertaling Ex 20:13 “Jy mag nie doodslaan nie.”
’83 vertaling Ex 20:13 “Jy mag nie moord pleeg nie.”
NKJV vertaling Ex 20:13 “Thou shalt not kill.”
Die Hebreeuse Woord vir doodmaak is, “ râtsach – ratsag”
‘n Beter vertaling met die betekenis sou gewees het”
“Jy mag nie wederregtelik doodmaak nie.” (Lettinga, 1986:191-193)
Doodmaak met voorbedagte rade (Num 35:16-21) sowel as om onopsetlik dood te maak, (Num 35:11,22-28), is sondig. Maar moord het ‘n baie wyer betekenis as net om fisies iemand dood te maak of fisies skade te berok-ken. Daarom gaan ons na die volgende drie hoofpunte kyk:
1. Wat moord of doodslag beteken!
2. Wat moord en doodslag verbied!
3. Wat moord en doodslag gebied!

Laai af

Jesus Christus is die kruispad in elke mens se lewe

Skriflesing: Jer 6:1-30
Teksvers: Jer 6:16,17

By die kruispad vra na die beste pad en loop die pad van Jesus Christus.

Jer 6:16,17
“So sê die Here: Staan by die kruispaaie en kyk, en vra na die ou paaie. Vra watter pad die beste is en loop dit, dan sal julle rus vind. Maar hulle het gesê: “Ons sal nie daardie pad loop nie.” 17). Toe het Ek wagte oor julle aangestel en gesê: Luister na die ramshoring! Maar hulle het geant-woord: “Ons sal nie luister nie.”

1. Daar is ‘n kruispad in elke mense se lewe.
2. Daar is ‘n kruispad waar jy ‘n keuse moet maak.
3. Daar is ‘n ramshoring wat jou op die regte pad roep.

Laai af

Respekteer Godgewilde gesag

Skriflesing: Numeri 12
Teksvers: Numeri 12: 2,9

Die aanvaarding van gesag oor ‘n mens, is nie sommer iets wat van-selfsprekend kom nie. Normaalweg sal ‘n mens graag sy eie idees en verwagtings probeer bevorder tot sy of haar eie voordeel. In hierdie hoofstuk kom dit na vore dat Mirjam en Aäron nie soseer teen Moses se huwelik met die Kussitiese vrou was nie, maar eerder naywerig was op sy Godgegewe en Godgewilde leiersposisie.
Aangesien Mirjam die een is wat gestraf is, was sy vermoedelik die aanhitser om teen Moses se gesag in opstand te kom. God se antwoord op Mirjam en Aäron se opstand teen Moses is iets beson-ders. Dit kom eintlik daarop neer dat hulle hulle teen die Here se wil en bepalings verset het.
Mag jy groei in jou onderwerping aan alle gesag wat deur die Here bepaal is, sodat daar in jou lewe en in ons land die nodige vrede mag wees.

Laai af

Vrygekoopte Christine bedien mekaar in nederigheid

Skriflesing: Joh 13:1-17
Teksvers: Joh 14-16

Jesus het in sy tyd op aarde so baie aan die mense geleer en vertel aangaande die lewe voor God as gelowiges op aarde. Daar is soveel gelykenisse wat Hy gebruik het om aan die mense die waarheid van liefde en diensbaarheid te leer.
In die gedeelte van Johannes vind ons net so ʼn gedeelte, maar hier is geen verhaal of gelykenis nie! Jesus is steeds die Leer-meester en ook die voorbeeld aan die dissipels op die vooraand van sy kruisiging. Dit word vir ons duidelik hoe belangrik diensbaar-heid en naasteliefde vir die koninkryk van God is. Moet nie hierdie opdrag van Christus ligtelik opvat nie!

Laai af